Ciau, cåpitån Billy!

Mich'å m'à di géntilmént ål dr. Ålbèrto Fågnån pår pòstå élétrònicå ståmåténå e mich'ån dì pö åncåsì inti télégiurnàl, iér gh'è mòrt cåpitån Billy, ciuè Sandro Salvadore, un giügådùr tårméntå brav, ch'l'à giügà prìmå intål Milån, pö intlå Juve e l'è stai åncåsì intlå nåsiunàl, pårtécipåndå åi Cåmpiunà dål Mónd dål '62 in Cile e dål '66 in Inghiltèrå. Ål dr. Fågnån ås ricòrdå åd quånd Salvadore, un dòpdišnà dål didlåfèstå (1955, 1956?) l'à giügà unå pårtìdå åmichévulå cóntrå ål Sånåšà: ålùrå l'érå inti giun dål Milån. Intå cùlå ucåšión lì, ål dr. Fågnån ål l'à intårvistà, gh'érå åncåsì Tråpåtón, e tüti dü i giügådù ås èn måråviglià pår l'åcugliénså tårméntå bèlå che i Sånåšårén i gh'ån fai, cul dì là, ål cåmp dål fùlbår... Lå crònåcå 'd l' incóntår  l'érå stai püblicà pö intlå "Voce della Lomellina". Chisà se un quaidün l'à tinü ål giurnàl: pudrìsåm måt l'årtìcul dål dr. Fågnån chi 'ntål blògh, me un umàg å lå mémòriå 'd cåpitån Billy!...

Versión in itåliån:

Come mi ha detto gentilmente il dr. Alberto Fagnani per posta

 elettronica stamattina  e come han detto poi anche i telegiornali, ieri è morto capitan Billy, alias Sandro Salvadore, un calciatore bravissimo, che ha militato prima nel Milan, poi nella Juve ed è stato anche in Nazionale, partecipando ai Campionati del Mondo del '62 in Cile e del '66 in Inghilterra. Il dr. Fagnani si ricorda di quando Salvadore, un pomeriggio del giorno della sagra (1955, 1956?), giocò una partita amichevole contro il Sannazzaro: allora era nei giovani del Milan. In quella occasione, il dr. Fagnani lo intervistò, era presente anche Trapattoni, e tutti e due i giocatori si erano meravigliati per l'accoglienza bellissima che i Sannazzaresi gli fecero, quel giorno, al campo sportivo...La cronaca dell'incontro fu poi pubblicata sulla "Voce della Lomellina". Chissà se qualcuno ha conservato il giornale: potremmo riportare l'articolo del dr. Fagnani qui sul blog, a mo' di omaggio alla memoria di capitan Billy!...

R. M.